Οἰκέτης
43 οὐκοῦν ἂν ἤδη τῶν θεατῶν τις λέγοι
44 νεανίας δοκησίσοφος , " τὸ δὲ πρᾶγμα τί ; "
45 " ὁ κάνθαρος δὲ πρὸς τί ; " κᾆτ’ αὐτῷ γ’ ἀνὴρ
46 Ἰωνικός τίς φησι παρακαθήμενος ·
47 " δοκέω μέν , ἐς Κλέωνα τοῦτ’ αἰνίσσεται , "
48 " ὡς κεῖνος ἀναιδέως τὴν σπατίλην ἐσθίει . "
49 ἀλλ’ εἰσιὼν τῷ κανθάρῳ δώσω πιεῖν .
50 ἐγὼ δὲ τὸν λόγον γε τοῖσι παιδίοις
51 καὶ τοῖσιν ἀνδρίοισι καὶ τοῖς ἀνδράσιν
52 καὶ τοῖς ὑπερτάτοισιν ἀνδράσιν φράσω
53 καὶ τοῖς ὑπερηνορέουσιν ἔτι τούτοις μάλα .
54 ὁ δεσπότης μου μαίνεται καινὸν τρόπον ,
55 οὐχ ὅνπερ ὑμεῖς , ἀλλ’ ἕτερον καινὸν πάνυ .
56 δι’ ἡμέρας γὰρ ἐς τὸν οὐρανὸν βλέπων
57 ὡδὶ κεχηνὼς λοιδορεῖται τῷ Διὶ
58 καί φησιν , " ὦ Ζεῦ τί ποτε βουλεύει ποιεῖν ; "
59 " κατάθου τὸ κόρημα · μὴ ’κκόρει τὴν Ἑλλάδα . "
60 ἔα ἔα .
61 σιγήσαθ’ , ὡς φωνῆς ἀκούειν μοι δοκῶ .