Φειδιππίδης
25 Φίλων ἀδικεῖς · ἔλαυνε τὸν σαυτοῦ δρόμον .
Στρεψιάδης
26 τοῦτ’ ἔστι τουτὶ τὸ κακὸν ὅ μ’ ἀπολώλεκεν ·
27 ὀνειροπολεῖ γὰρ καὶ καθεύδων ἱππικήν .
Φειδιππίδης
28 πόσους δρόμους ἐλᾷ τὰ πολεμιστήρια ;
Στρεψιάδης
29 ἐμὲ μὲν σὺ πολλοὺς τὸν πατέρ’ ἐλαύνεις δρόμους .
30 ἀτὰρ τί χρέος ἔβα με μετὰ τὸν Πασίαν ;
31 τρεῖς μναῖ διφρίσκου καὶ τροχοῖν Ἀμυνίᾳ .
Φειδιππίδης
32 ἄπαγε τὸν ἵππον ἐξαλίσας οἴκαδε .
Στρεψιάδης
33 ἀλλ’ ὦ μέλ’ ἐξήλικας ἐμέ γ’ ἐκ τῶν ἐμῶν ,
34 ὅτε καὶ δίκας ὤφληκα χἄτεροι τόκου
35 ἐνεχυράσεσθαί φασιν .
Φειδιππίδης
ἐτεὸν ὦ πάτερ
36 τί δυσκολαίνεις καὶ στρέφει τὴν νύχθ’ ὅλην ;
Στρεψιάδης
37 δάκνει μὲ δήμαρχός τις ἐκ τῶν στρωμάτων .
Φειδιππίδης
38 ἔασον ὦ δαιμόνιε καταδαρθεῖν τί με .
Στρεψιάδης
39 σὺ δ’ οὖν κάθευδε · τὰ δὲ χρέα ταῦτ’ ἴσθ’ ὅτι
40 ἐς τὴν κεφαλὴν ἅπαντα τὴν σὴν τρέψεται .
41 φεῦ .
41a εἴθ’ ὤφελ’ ἡ προμνήστρι’ ἀπολέσθαι κακῶς ,