Greek Reader — Aeschylus Agamemnon (681

Χορός

681 τίς ποτ’ ὠνόμαζεν ὧδ’

682 ἐς τὸ πᾶν ἐτητύμως —

683 μή τις ὅντιν’ οὐχ ὁρῶμεν προνοί -

684 αισι τοῦ πεπρωμένου

685 γλῶσσαν ἐν τύχᾳ νέμων ; —

686 τὰν δορίγαμβρον ἀμφινει -

687 κῆ θ’ Ἑλέναν ; ἐπεὶ πρεπόντως

688 ἑλένας , ἕλανδρος , ἑλέ -

690 πτολις , ἐκ τῶν ἁβροτίμων

691 προκαλυμμάτων ἔπλευσε

692 ζεφύρου γίγαντος αὔρᾳ ,

693 πολύανδροί τε φεράσπιδες κυναγοὶ

695 κατ’ ἴχνος πλατᾶν ἄφαντον

696 κελσάντων Σιμόεντος ἀ -

697 κτὰς ἐπ’ ἀεξιφύλλους

698 δι’ ἔριν αἱματόεσσαν .

699 Ἰλίῳ δὲ κῆδος ὀρθ -

700 ώνυμον τελεσσίφρων

701 μῆνις ἤλασεν , τραπέζας ἀτί -

702 μωσιν ὑστέρῳ χρόνῳ

703 καὶ ξυνεστίου Διὸς

704 πρασσομένα τὸ νυμφότι -

706 μον μέλος ἐκφάτως τίοντας ,

707 ὑμέναιον , ὃς τότ’ ἐπέρ -

708 ρεπεν γαμβροῖσιν ἀείδειν ·

709 μεταμανθάνουσα δ’ ὕμνον

710 Πριάμου πόλις γεραιὰ

711 πολύθρηνον μέγα που στένει κικλήσκου -

712 σα Πάριν τὸν αἰνόλεκτρον ,

713 παμπορθῆ πολύθρηνον

714 αἰῶνα διαὶ πολιτᾶν

715 μέλεον αἷμ’ ἀνατλᾶσα .

716 ἔθρεψεν δὲ λέοντος ἶ -

717 νιν δόμοις ἀγάλακτον οὕ -

718 τως ἀνὴρ φιλόμαστον ,

720 ἐν βιότου προτελείοις

721 ἅμερον , εὐφιλόπαιδα

722 καὶ γεραροῖς ἐπίχαρτον .

723 πολέα δ’ ἔσχ’ ἐν ἀγκάλαις

724 νεοτρόφου τέκνου δίκαν ,

725 φαιδρωπὸς ποτὶ χεῖρα σαί -

726 νων τε γαστρὸς ἀνάγκαις .

727 χρονισθεὶς δ’ ἀπέδειξεν ἦ -

728 θος τὸ πρὸς τοκέων · χάριν

729 γὰρ τροφεῦσιν ἀμείβων

730 μηλοφόνοισιν { ἐν } ἄταις

731 δαῖτ’ ἀκέλευστος ἔτευξεν ·

732 αἵματι δ’ οἶκος ἐφύρθη ,

733 ἄμαχον ἄλγος οἰκέταις

734 μέγα σίνος πολυκτόνον .

735 ἐκ θεοῦ δ’ ἱερεύς τις ἄ -

736 τας δόμοις προσεθρέφθη .

737 πάραυτα δ’ ἐλθεῖν ἐς Ἰλίου πόλιν

738 λέγοιμ’ ἂν φρόνημα μὲν

739 νηνέμου γαλάνας ,

740 ἀκασκαῖον { δ’ } ἄγαλμα πλούτου ,

741 μαλθακὸν ὀμμάτων βέλος ,

742 δηξίθυμον ἔρωτος ἄνθος .

743 παρακλίνασ’ ἐπέκρανεν

745 δὲ γάμου πικρὰς τελευτάς ,

746 δύσεδρος καὶ δυσόμιλος

747 συμένα Πριαμίδαισιν ,

748 πομπᾷ Διὸς ξενίου ,

749 νυμφόκλαυτος Ἐρινύς .

750 παλαίφατος δ’ ἐν βροτοῖς γέρων λόγος

751 τέτυκται , μέγαν τελε -

752 σθέντα φωτὸς ὄλβον

753 τεκνοῦσθαι μηδ’ ἄπαιδα θνῄσκειν ,

755 ἐκ δ’ ἀγαθᾶς τύχας γένει

756 βλαστάνειν ἀκόρεστον οἰζύν .

757 δίχα δ’ ἄλλων μονόφρων εἰ -

758 μί · τὸ δυσσεβὲς γὰρ ἔργον

759 μετὰ μὲν πλείονα τίκτει ,

760 σφετέρᾳ δ’ εἰκότα γέννᾳ .

761 οἴκων δ’ ἄρ’ εὐθυδίκων

762 καλλίπαις πότμος αἰεί .

763 φιλεῖ δὲ τίκτειν Ὕβρις

764 μὲν παλαιὰ νεά -

765 ζουσαν ἐν κακοῖς βροτῶν

766 ὕβριν τότ’ ἢ τόθ’ , ὅτε τὸ κύρ -

767 ιον μόλῃ φάος τόκου ,

768 δαίμονά τε τὰν ἄμαχον ἀπόλεμ -

769 ον , ἀνίερον Θράσος , μελαί -

770 νας μελάθροισιν Ἄτας ,

771 εἰδομένας τοκεῦσιν .

772 Δίκα δὲ λάμπει μὲν ἐν

773 δυσκάπνοις δώμασιν ,

775 τὸν δ’ ἐναίσιμον τίει [ βίον ] .

776 τὰ χρυσόπαστα δ’ ἔδεθλα σὺν

777 πίνῳ χερῶν παλιντρόποις

778 ὄμμασι λιποῦσ’ , ὅσια προσέμολ -

779 ε , δύναμιν οὐ σέβουσα πλού -

780 του παράσημον αἴνῳ ·

781 πᾶν δ’ ἐπὶ τέρμα νωμᾷ .

782 ἄγε δή , βασιλεῦ , Τροίας πτολίπορθ’ ,

783 Ἀτρέως γένεθλον ,

785 πῶς σε προσείπω ; πῶς σε σεβίζω

786 μήθ’ ὑπεράρας μήθ’ ὑποκάμψας

787 καιρὸν χάριτος ;

788 πολλοὶ δὲ βροτῶν τὸ δοκεῖν εἶναι

789 προτίουσι δίκην παραβάντες .

790 τῷ δυσπραγοῦντι δ’ ἐπιστενάχειν

791 πᾶς τις ἕτοιμος · δῆγμα δὲ λύπης

792 οὐδὲν ἐφ’ ἧπαρ προσικνεῖται ·

793 καὶ ξυγχαίρουσιν ὁμοιοπρεπεῖς

794 ἀγέλαστα πρόσωπα βιαζόμενοι .

795 ὅστις δ’ ἀγαθὸς προβατογνώμων ,

796 οὐκ ἔστι λαθεῖν ὄμματα φωτός ,

797 τὰ δοκοῦντ’ εὔφρονος ἐκ διανοίας

798 ὑδαρεῖ σαίνειν φιλότητι .

799 σὺ δέ μοι τότε μὲν στέλλων στρατιὰν

800 Ἑλένης ἕνεκ’ , οὐ γάρ { σ’ } ἐπικεύσω ,

801 κάρτ’ ἀπομούσως ἦσθα γεγραμμένος ,

802 οὐδ’ εὖ πραπίδων οἴακα νέμων

803 θράσος ἐκ θυσιῶν

804 ἀνδράσι θνῄσκουσι κομίζων .

805 νῦν δ’ οὐκ ἀπ’ ἄκρας φρενὸς οὐδ’ ἀφίλως

806 [ ... ]

807 εὔφρων πόνος εὖ τελέσασιν .

808 γνώσῃ δὲ χρόνῳ διαπευθόμενος

809 τόν τε δικαίως καὶ τὸν ἀκαίρως πόλιν οἰκουροῦντα πολιτῶν .

Morphology & Lexicon ( hover to peek ✧ click to lock )

Morphology & Lexicon
( hover to peek ✧ click to lock )