Greek Reader — Sophocles Oedipus Tyrannos (217

217 κλύων δέχεσθαι τῇ νόσῳ θ’ ὑπηρετεῖν ,

218 ἀλκὴν λάβοις ἂν κἀνακούφισιν κακῶν ʹ

219 ἁγὼ ξένος μὲν τοῦ λόγου τοῦδ’ ἐξερῶ ,

220 ξένος δὲ τοῦ πραχθέντος ʹ οὐ γὰρ ἂν μακρὰν

221 ἴχνευον αὐτός , μὴ οὐκ ἔχων τι σύμβολον ,

222 νῦν δ’ ὕστερος γὰρ ἀστὸς εἰς ἀστοὺς τελῶ ,

223 ὑμῖν προφωνῶ πᾶσι Καδμείοις τάδε ʹ

224 ὅστις ποθ’ ὑμῶν Λάϊον τὸν Λαβδάκου

225 κάτοιδεν ἀνδρὸς ἐκ τίνος διώλετο ,

226 τοῦτον κελεύω πάντα σημαίνειν ἐμοί ʹ

227 κεἰ μὲν φοβεῖται , τοὐπίκλημ’ ὑπεξελεῖν

228 αὐτὸν καθ’ αὑτοῦ ʹ πείσεται γὰρ ἄλλο μὲν

229 ἀστεργὲς οὐδέν . γῆς δ’ ἄπεισιν ἀσφαλής .

230 εἰ δ’ αὖ τις ἄλλον οἶδεν ἐξ ἄλλης χθονὸς

231 τὸν αὐτόχειρα , μὴ σιωπάτω ʹ τὸ γὰρ

232 κέρδος τελῶ ’ γὼ χἠ χάρις προσκείσεται .

233 εἰ δ’ αὖ σιωπήσεσθε , καί τις ἢ φίλου

234 δείσας ἀπώσει τοὔπος ἢ χαὐτοῦ τόδε ,

235 ἃκ τῶνδε δράσω , ταῦτα χρὴ κλύειν ἐμοῦ .

236 τὸν ἄνδρ’ ἀπαυδῶ τοῦτον , ὅστις ἐστί , γῆς

237 τῆσδ’ , ἧς ἐγὼ κράτη τε καὶ θρόνους νέμω ,

238 μήτ’ εἰσδέχεσθαι μήτε προσφωνεῖν τινα ,

239 μήτ’ ἐν θεῶν εὐχαῖσι μήτε θύμασιν

240 κοινὸν ποεῖσθαι , μήτε χέρνιβας νέμειν ʹ

241 ὠθεῖν δ’ ἀπ’ οἴκων πάντας , ὡς μιάσματος

242 τοῦδ’ ἡμὶν ὄντος , ὡς τὸ Πυθικὸν θεοῦ

243 μαντεῖον ἐξέφηνεν ἀρτίως ἐμοί .

244 ἐγὼ μὲν οὖν τοιόσδε τῷ τε δαίμονι

245 τῷ τ’ ἀνδρὶ τῷ θανόντι σύμμαχος πέλω ʹ

246 κατεύχομαι δὲ τὸν δεδρακότ’ , εἴτε τις

247 εἷς ὢν λέληθεν εἴτε πλειόνων μέτα ,

248 κακὸν κακῶς νιν ἄμορον ἐκτρῖψαι βίον ʹ

249 ἐπεύχομαι δ’ , οἴκοισιν εἰ ξυνέστιος

250 ἐν τοῖς ἐμοῖς γένοιτ’ ἐμοῦ συνειδότος ,

251 παθεῖν ἅπερ τοῖσδ’ ἀρτίως ἠρασάμην .

252 ὑμῖν δὲ ταῦτα πάντ’ ἐπισκήπτω τελεῖν ,

253 ὑπέρ τ’ ἐμαυτοῦ τοῦ θεοῦ τε τῆσδέ τε

254 γῆς ὧδ’ ἀκάρπως κἀθέως ἐφθαρμένης .

255 οὐ δ’ εἰ γὰρ ἦν τὸ πρᾶγμα μὴ θεήλατον ,

256 ἀκάθαρτον ὑμᾶς εἰκὸς ἦν οὕτως ἐᾶν ,

257 ἀνδρός γ’ ἀρίστου βασιλέως τ’ ὀλωλότος ,

258 ἀλλ’ ἐξερευνᾶν ʹ νῦν δ’ ἐπεὶ κυρῶ γ’ ἐγὼ

259 ἔχων μὲν ἀρχὰς ἃς ἐκεῖνος εἶχε πρίν ,

260 ἔχων δὲ λέκτρα καὶ γυναῖχ’ ὁμόσπορον ,

261 κοινῶν τε παίδων κοίν’ ἄν , εἰ κείνῳ γένος

262 μὴ ’ δυστύχησεν , ἦν ἂν ἐκπεφυκότα ʹ

263 νῦν δ’ ἐς τὸ κείνου κρᾶτ’ ἐνήλαθ’ ἡ τύχη ʹ

264 ἀνθ’ ὧν ἐγὼ τάδ’ , ὡσπερεὶ τοὐμοῦ πατρός ,

265 ὑπερμαχοῦμαι κἀπὶ πᾶν ἀφίξομαι ,

266 ζητῶν τὸν αὐτόχειρα τοῦ φόνου λαβεῖν ,

267 τῷ Λαβδακείῳ παιδὶ Πολυδώρου τε καὶ

268 τοῦ πρόσθε Κάδμου τοῦ πάλαι τ’ Ἀγήνορος .

269 καὶ ταῦτα τοῖς μὴ δρῶσιν εὔχομαι θεοὺς

270 μήτ’ ἄροτον αὐτοῖς γῆς ἀνιέναι τινὰ

271 μήτ’ οὖν γυναικῶν παῖδας , ἀλλὰ τῷ πότμῳ

272 τῷ νῦν φθερεῖσθαι κἄτι τοῦδ’ ἐχθίονι ʹ

273 ὑμῖν δὲ τοῖς ἄλλοισι Καδμείοις , ὅσοις

274 τάδ’ ἔστ’ ἀρέσκονθ’ , ἥ τε σύμμαχος Δίκη

275 χοἰ πάντες εὖ ξυνεῖεν εἰσαεὶ θεοί .

Morphology & Lexicon ( hover to peek ✧ click to lock )

Morphology & Lexicon
( hover to peek ✧ click to lock )