Greek Reader — The Homeric Odyssey (4.612

4.612 τοιγὰρ ἐγώ τοι ταῦτα μεταστήσω · δύναμαι γάρ .

4.613 δώρων δʹ ὅσσʹ ἐν ἐμῷ οἴκῳ κειμήλια κεῖται ,

4.614 δώσω ὃ κάλλιστον καὶ τιμηέστατόν ἐστιν ·

4.615 δώσω τοι κρητῆρα τετυγμένον · ἀργύρεος δὲ

4.616 ἔστιν ἅπας , χρυσῷ δʹ χείλεα κεκράανται ,

4.617 ἔργον δʹ Ἡφαίστοιο . πόρεν δέ ἑ Φαίδιμος ἥρως ,

4.618 Σιδονίων βασιλεύς , ὅθʹ ἑὸς δόμος ἀμφεκάλυψε

4.619 κεῖσέ με νοστήσαντα · τεῒν δʹ ἐθέλω τόδʹ ὀπάσσαι .

4.620 ὣς οἱ μὲν τοιαῦτα πρὸς ἀλλήλους ἀγόρευον ,

4.621 δαιτυμόνες δʹ ἐς δώματʹ ἴσαν θείου βασιλῆος .

4.622 οἱ δʹ ἦγον μὲν μῆλα , φέρον δʹ ἐυήνορα οἶνον ·

4.623 σῖτον δέ σφʹ ἄλοχοι καλλικρήδεμνοι ἔπεμπον .

4.624 ὣς οἱ μὲν περὶ δεῖπνον ἐνὶ μεγάροισι πένοντο .

4.625 μνηστῆρες δὲ πάροιθεν Ὀδυσσῆος μεγάροιο

4.626 δίσκοισιν τέρποντο καὶ αἰγανέῃσιν ἱέντες

4.627 ἐν τυκτῷ δαπέδῳ , ὅθι περ πάρος , ὕβριν ἔχοντες .

4.628 Ἀντίνοος δὲ καθῆστο καὶ Εὐρύμαχος θεοειδής ,

4.629 ἀρχοὶ μνηστήρων , ἀρετῇ δʹ ἔσαν ἔξοχʹ ἄριστοι .

4.630 τοῖς δʹ υἱὸς Φρονίοιο Νοήμων ἐγγύθεν ἐλθὼν

4.631 Ἀντίνοον μύθοισιν ἀνειρόμενος προσέειπεν ·

4.632 Ἀντίνοʹ , ἦ ῥά τι ἴδμεν ἐνὶ φρεσίν , ἦε καὶ οὐκί ,

4.633 ὁππότε Τηλέμαχος νεῖτʹ ἐκ Πύλου ἠμαθόεντος ;

4.634 νῆά μοι οἴχετʹ ἄγων · ἐμὲ δὲ χρεὼ γίγνεται αὐτῆς

4.635 Ἤλιδʹ ἐς εὐρύχορον διαβήμεναι , ἔνθα μοι ἵπποι

4.636 δώδεκα θήλειαι , ὑπὸ δʹ ἡμίονοι ταλαεργοὶ

4.637 ἀδμῆτες · τῶν κέν τινʹ ἐλασσάμενος δαμασαίμην .

4.638 ὣς ἔφαθʹ , οἱ δʹ ἀνὰ θυμὸν ἐθάμβεον · οὐ γὰρ ἔφαντο

4.639 ἐς Πύλον οἴχεσθαι Νηλήιον , ἀλλά που αὐτοῦ

4.640 ἀγρῶν ἢ μήλοισι παρέμμεναι ἠὲ συβώτη .

4.641 τὸν δʹ αὖτʹ Ἀντίνοος προσέφη Εὐπείθεος υἱός ·