Greek Reader — The Homeric Odyssey (4.267

4.267 ἤδη μὲν πολέων ἐδάην βουλήν τε νόον τε

4.268 ἀνδρῶν ἡρώων , πολλὴν δʹ ἐπελήλυθα γαῖαν ·

4.269 ἀλλʹ οὔ πω τοιοῦτον ἐγὼν ἴδον ὀφθαλμοῖσιν ,

4.270 οἷν Ὀδυσσῆος ταλασίφρονος ἔσκε φίλον κῆρ .

4.271 οἷον καὶ τόδʹ ἔρεξε καὶ ἔτλη καρτερὸς ἀνὴρ

4.272 ἵππῳ ἔνι ξεστῷ , ἵνʹ ἐνήμεθα πάντες ἄριστοι

4.273 Ἀργείων Τρώεσσι φόνον καὶ κῆρα φέροντες .

4.274 ἦλθες ἔπειτα σὺ κεῖσε · κελευσέμεναι δέ σʹ ἔμελλε

4.275 δαίμων , ὃς Τρώεσσιν ἐβούλετο κῦδος ὀρέξαι ·

4.276 καί τοι Δηΐφοβος θεοείκελος ἕσπετʹ ἰούσῃ .

4.277 τρὶς δὲ περίστειξας κοῖλον λόχον ἀμφαφόωσα ,

4.278 ἐκ δʹ ὀνομακλήδην Δαναῶν ὀνόμαζες ἀρίστους ,

4.279 πάντων Ἀργείων φωνὴν ἴσκουσʹ ἀλόχοισιν .

4.280 αὐτὰρ ἐγὼ καὶ Τυδεΐδης καὶ δῖος Ὀδυσσεὺς

4.281 ἥμενοι ἐν μέσσοισιν ἀκούσαμεν ὡς ἐβόησας .

4.282 νῶι μὲν ἀμφοτέρω μενεήναμεν ὁρμηθέντε

4.283 ἢ ἐξελθέμεναι , ἢ ἔνδοθεν αἶψʹ ὑπακοῦσαι ·

4.284 ἀλλʹ Ὀδυσεὺς κατέρυκε καὶ ἔσχεθεν ἱεμένω περ .

4.285 ἔνθʹ ἄλλοι μὲν πάντες ἀκὴν ἔσαν υἷες Ἀχαιῶν ,

4.286 Ἄντικλος δὲ σέ γʹ οἶος ἀμείψασθαι ἐπέεσσιν

4.287 ἤθελεν . ἀλλʹ Ὀδυσεὺς ἐπὶ μάστακα χερσὶ πίεζεν

4.288 νωλεμέως κρατερῇσι , σάωσε δὲ πάντας Ἀχαιούς ·

4.289 τόφρα δʹ ἔχʹ , ὄφρα σε νόσφιν ἀπήγαγε Παλλὰς Ἀθήνη .

4.290 τὸν δʹ αὖ Τηλέμαχος πεπνυμένος ἀντίον ηὔδα ·

4.291 Ἀτρεΐδη Μενέλαε διοτρεφές , ὄρχαμε λαῶν ,

4.292 ἄλγιον · οὐ γάρ οἵ τι τάδʹ ἤρκεσε λυγρὸν ὄλεθρον ,

4.293 οὐδʹ εἴ οἱ κραδίη γε σιδηρέη ἔνδοθεν ἦεν .

4.294 ἀλλʹ ἄγετʹ εἰς εὐνὴν τράπεθʹ ἡμέας , ὄφρα καὶ ἤδη

4.295 ὕπνῳ ὕπο γλυκερῷ ταρπώμεθα κοιμηθέντες .

4.296 ὣς ἔφατʹ , Ἀργείη δʹ Ἑλένη δμῳῇσι κέλευσεν

4.297 δέμνιʹ ὑπʹ αἰθούσῃ θέμεναι καὶ ῥήγεα καλὰ

4.298 πορφύρεʹ ἐμβαλέειν στορέσαι τʹ ἐφύπερθε τάπητας ,