Greek Reader — The Homeric Iliad (9.493

9.493 γόνον ἐξετέλειον

9.494 ἐξ ἐμεῦ · ἀλλὰ σὲ παῖδα θεοῖς ἐπιείκελ’ Ἀχιλλεῦ

9.495 ποιεύμην , ἵνα μοί ποτ’ ἀεικέα λοιγὸν ἀμύνῃς .

9.496 ἀλλ’ Ἀχιλεῦ δάμασον θυμὸν μέγαν · οὐδέ τί σε χρὴ

9.497 νηλεὲς ἦτορ ἔχειν · στρεπτοὶ δέ τε καὶ θεοὶ αὐτοί ,

9.498 τῶν περ καὶ μείζων ἀρετὴ τιμή τε βίη τε .

9.499 καὶ μὲν τοὺς θυέεσσι καὶ εὐχωλῇς ἀγανῇσι

9.500 λοιβῇ τε κνίσῃ τε παρατρωπῶσ’ ἄνθρωποι

9.501 λισσόμενοι , ὅτε κέν τις ὑπερβήῃ καὶ ἁμάρτῃ .

9.502 καὶ γάρ τε λιταί εἰσι Διὸς κοῦραι μεγάλοιο

9.503 χωλαί τε ῥυσαί τε παραβλῶπές τ’ ὀφθαλμώ ,

9.504 αἵ ῥά τε καὶ μετόπισθ’ ἄτης ἀλέγουσι κιοῦσαι .

9.505 ἣ δ’ ἄτη σθεναρή τε καὶ ἀρτίπος , οὕνεκα πάσας

9.506 πολλὸν ὑπεκπροθέει , φθάνει δέ τε πᾶσαν ἐπ’ αἶαν

9.507 βλάπτουσ’ ἀνθρώπους · αἳ δ’ ἐξακέονται ὀπίσσω .

9.508 ὃς μέν τ’ αἰδέσεται κούρας Διὸς ἆσσον ἰούσας ,

9.509 τὸν δὲ μέγ’ ὤνησαν καί τ’ ἔκλυον εὐχομένοιο ·

9.510 ὃς δέ κ’ ἀνήνηται καί τε στερεῶς ἀποείπῃ ,

9.511 λίσσονται δ’ ἄρα ταί γε Δία Κρονίωνα κιοῦσαι

9.512 τῷ ἄτην ἅμ’ ἕπεσθαι , ἵνα βλαφθεὶς ἀποτίσῃ .

9.513 ἀλλ’ Ἀχιλεῦ πόρε καὶ σὺ Διὸς κούρῃσιν ἕπεσθαι

9.514 τιμήν , ἥ τ’ ἄλλων περ ἐπιγνάμπτει νόον ἐσθλῶν .

9.515 εἰ μὲν γὰρ μὴ δῶρα φέροι τὰ δ’ ὄπισθ’ ὀνομάζοι

9.516 Ἀτρεΐδης , ἀλλ’ αἰὲν ἐπιζαφελῶς χαλεπαίνοι ,

9.517 οὐκ ἂν ἔγωγέ σε μῆνιν ἀπορρίψαντα κελοίμην

9.518 Ἀργείοισιν ἀμυνέμεναι χατέουσί περ ἔμπης ·

9.519 νῦν δ’ ἅμα τ’ αὐτίκα πολλὰ διδοῖ τὰ δ’ ὄπισθεν ὑπέστη ,

9.520 ἄνδρας δὲ λίσσεσθαι ἐπιπροέηκεν ἀρίστους

9.521 κρινάμενος κατὰ λαὸν Ἀχαιϊκόν , οἵ τε σοὶ αὐτῷ

9.522 φίλτατοι Ἀργείων · τῶν μὴ σύ γε