Greek Reader — The Homeric Iliad (9.427

9.427 μένων κατακοιμηθήτω ,

9.428 ὄφρά μοι ἐν νήεσσι φίλην ἐς πατρίδ’ ἕπηται

9.429 αὔριον ἢν ἐθέλῃσιν · ἀνάγκῃ δ’ οὔ τί μιν ἄξω .

9.430 ὣς ἔφαθ’ , οἳ δ’ ἄρα πάντες ἀκὴν ἐγένοντο σιωπῇ

9.431 μῦθον ἀγασσάμενοι · μάλα γὰρ κρατερῶς ἀπέειπεν ·

9.432 ὀψὲ δὲ δὴ μετέειπε γέρων ἱππηλάτα Φοῖνιξ

9.433 δάκρυ’ ἀναπρήσας · περὶ γὰρ δίε νηυσὶν Ἀχαιῶν ·

9.434 εἰ μὲν δὴ νόστόν γε μετὰ φρεσὶ φαίδιμ’ Ἀχιλλεῦ

9.435 βάλλεαι , οὐδέ τι πάμπαν ἀμύνειν νηυσὶ θοῇσι

9.436 πῦρ ἐθέλεις ἀΐδηλον , ἐπεὶ χόλος ἔμπεσε θυμῷ ,

9.437 πῶς ἂν ἔπειτ’ ἀπὸ σεῖο φίλον τέκος αὖθι λιποίμην

9.438 οἶος ; σοὶ δέ μ’ ἔπεμπε γέρων ἱππηλάτα Πηλεὺς

9.439 ἤματι τῷ ὅτε σ’ ἐκ Φθίης Ἀγαμέμνονι πέμπε

9.440 νήπιον οὔ πω εἰδόθ’ ὁμοιΐου πολέμοιο

9.441 οὐδ’ ἀγορέων , ἵνα τ’ ἄνδρες ἀριπρεπέες τελέθουσι .

9.442 τοὔνεκά με προέηκε διδασκέμεναι τάδε πάντα ,

9.443 μύθων τε ῥητῆρ’ ἔμεναι πρηκτῆρά τε ἔργων .

9.444 ὡς ἂν ἔπειτ’ ἀπὸ σεῖο φίλον τέκος οὐκ ἐθέλοιμι

9.445 λείπεσθ’ , οὐδ’ εἴ κέν μοι ὑποσταίη θεὸς αὐτὸς

9.446 γῆρας ἀποξύσας θήσειν νέον ἡβώοντα ,

9.447 οἷον ὅτε πρῶτον λίπον Ἑλλάδα καλλιγύναικα

9.448 φεύγων νείκεα πατρὸς Ἀμύντορος Ὀρμενίδαο ,

9.449 ὅς μοι παλλακίδος περιχώσατο καλλικόμοιο ,

9.450 τὴν αὐτὸς φιλέεσκεν , ἀτιμάζεσκε δ’ ἄκοιτιν

9.451 μητέρ’ ἐμήν · ἣ δ’ αἰὲν ἐμὲ λισσέσκετο γούνων

9.452 παλλακίδι προμιγῆναι , ἵν’ ἐχθήρειε γέροντα .

9.453 τῇ πιθόμην καὶ ἔρεξα · πατὴρ δ’ ἐμὸς αὐτίκ’ ὀϊσθεὶς

9.454 πολλὰ κατηρᾶτο , στυγερὰς δ’ ἐπεκέκλετ’ Ἐρινῦς ,

9.455 μή ποτε γούνασιν οἷσιν ἐφέσσεσθαι φίλον υἱὸν

9.456 ἐξ ἐμέθεν γεγαῶτα · θεοὶ δ’ ἐτέλειον ἐπαρὰς

9.457 Ζεύς τε καταχθόνιος καὶ ἐπαινὴ Περσεφόνεια .

9.462 ἔνθ’ ἐμοὶ οὐκέτι πάμπαν ἐρητύετ’ ἐν φρεσὶ