Greek Reader — The Homeric Iliad (4.313

4.313 φίλοισιν

4.314 ὥς τοι γούναθ’ ἕποιτο , βίη δέ τοι ἔμπεδος εἴη ·

4.315 ἀλλά σε γῆρας τείρει ὁμοίϊον · ὡς ὄφελέν τις

4.316 ἀνδρῶν ἄλλος ἔχειν , σὺ δὲ κουροτέροισι μετεῖναι .

4.317 τὸν δ’ ἠμείβετ’ ἔπειτα Γερήνιος ἱππότα Νέστωρ ·

4.318 Ἀτρεΐδη μάλα μέν τοι ἐγὼν ἐθέλοιμι καὶ αὐτὸς

4.319 ὣς ἔμεν ὡς ὅτε δῖον Ἐρευθαλίωνα κατέκταν .

4.320 ἀλλ’ οὔ πως ἅμα πάντα θεοὶ δόσαν ἀνθρώποισιν ·

4.321 εἰ τότε κοῦρος ἔα νῦν αὖτέ με γῆρας ὀπάζει .

4.322 ἀλλὰ καὶ ὧς ἱππεῦσι μετέσσομαι ἠδὲ κελεύσω

4.323 βουλῇ καὶ μύθοισι · τὸ γὰρ γέρας ἐστὶ γερόντων .

4.324 αἰχμὰς δ’ αἰχμάσσουσι νεώτεροι , οἵ περ ἐμεῖο

4.325 ὁπλότεροι γεγάασι πεποίθασίν τε βίηφιν .

4.326 ὣς ἔφατ’ , Ἀτρεΐδης δὲ παρῴχετο γηθόσυνος κῆρ .

4.327 εὗρ’ υἱὸν Πετεῶο Μενεσθῆα πλήξιππον

4.328 ἑσταότ’ · ἀμφὶ δ’ Ἀθηναῖοι μήστωρες ἀϋτῆς ·

4.329 αὐτὰρ ὃ πλησίον ἑστήκει πολύμητις Ὀδυσσεύς ,

4.330 πὰρ δὲ Κεφαλλήνων ἀμφὶ στίχες οὐκ ἀλαπαδναὶ

4.331 ἕστασαν · οὐ γάρ πώ σφιν ἀκούετο λαὸς ἀϋτῆς ,

4.332 ἀλλὰ νέον συνορινόμεναι κίνυντο φάλαγγες

4.333 Τρώων ἱπποδάμων καὶ Ἀχαιῶν · οἳ δὲ μένοντες

4.334 ἕστασαν ὁππότε πύργος Ἀχαιῶν ἄλλος ἐπελθὼν

4.335 Τρώων ὁρμήσειε καὶ ἄρξειαν πολέμοιο .

4.336 τοὺς δὲ ἰδὼν νείκεσσεν ἄναξ ἀνδρῶν Ἀγαμέμνων ,

4.337 καί σφεας φωνήσας ἔπεα πτερόεντα προσηύδα ·

4.338 ὦ υἱὲ Πετεῶο διοτρεφέος βασιλῆος ,

4.339 καὶ σὺ κακοῖσι δόλοισι κεκασμένε κερδαλεόφρον

4.340 τίπτε καταπτώσσοντες ἀφέστατε , μίμνετε δ’ ἄλλους ;

4.341 σφῶϊν μέν τ’ ἐπέοικε μετὰ πρώτοισιν ἐόντας

4.342 ἑστάμεν ἠδὲ μάχης καυστείρης ἀντιβολῆσαι ·

4.343 πρώτω γὰρ καὶ δαιτὸς ἀκουάζεσθον ἐμεῖο ,

4.344 ὁππότε δαῖτα γέρουσιν ἐφοπλίζωμεν Ἀχαιοί .

4.345 ἔνθα φίλ’ ὀπταλέα κρέα ἔδμεναι ἠδὲ κύπελλα

4.346 οἴνου πινέμεναι μελιηδέος ὄφρ’ ἐθέλητον ·

4.347 νῦν