Greek Reader — The Homeric Iliad (2.834

2.834 πειθέσθην · κῆρες γὰρ ἄγον μέλανος θανάτοιο .

2.835 οἳ δ’ ἄρα Περκώτην καὶ Πράκτιον ἀμφενέμοντο

2.836 καὶ Σηστὸν καὶ Ἄβυδον ἔχον καὶ δῖαν Ἀρίσβην ,

2.837 τῶν αὖθ’ Ὑρτακίδης ἦρχ’ Ἄσιος ὄρχαμος ἀνδρῶν ,

2.838 Ἄσιος Ὑρτακίδης ὃν Ἀρίσβηθεν φέρον ἵπποι

2.839 αἴθωνες μεγάλοι ποταμοῦ ἄπο Σελλήεντος .

2.840 Ἱππόθοος δ’ ἄγε φῦλα Πελασγῶν ἐγχεσιμώρων

2.841 τῶν οἳ Λάρισαν ἐριβώλακα ναιετάασκον ·

2.842 τῶν ἦρχ’ Ἱππόθοός τε Πύλαιός τ’ ὄζος Ἄρηος ,

2.843 υἷε δύω Λήθοιο Πελασγοῦ Τευταμίδαο .

2.844 αὐτὰρ Θρήϊκας ἦγ’ Ἀκάμας καὶ Πείροος ἥρως

2.845 ὅσσους Ἑλλήσποντος ἀγάρροος ἐντὸς ἐέργει .

2.846 Εὔφημος δ’ ἀρχὸς Κικόνων ἦν αἰχμητάων

2.847 υἱὸς Τροιζήνοιο διοτρεφέος Κεάδαο .

2.848 αὐτὰρ Πυραίχμης ἄγε Παίονας ἀγκυλοτόξους

2.849 τηλόθεν ἐξ Ἀμυδῶνος ἀπ’ Ἀξιοῦ εὐρὺ ῥέοντος ,

2.850 Ἀξιοῦ οὗ κάλλιστον ὕδωρ ἐπικίδναται αἶαν .

2.851 Παφλαγόνων δ’ ἡγεῖτο Πυλαιμένεος λάσιον κῆρ

2.852 ἐξ Ἐνετῶν , ὅθεν ἡμιόνων γένος ἀγροτεράων ,

2.853 οἵ ῥα Κύτωρον ἔχον καὶ Σήσαμον ἀμφενέμοντο

2.854 ἀμφί τε Παρθένιον ποταμὸν κλυτὰ δώματ’ ἔναιον

2.855 Κρῶμνάν τ’ Αἰγιαλόν τε καὶ ὑψηλοὺς Ἐρυθίνους .

2.856 αὐτὰρ Ἁλιζώνων Ὀδίος καὶ Ἐπίστροφος ἦρχον

2.857 τηλόθεν ἐξ Ἀλύβης , ὅθεν ἀργύρου ἐστὶ γενέθλη .

2.858 Μυσῶν δὲ Χρόμις ἦρχε καὶ Ἔννομος οἰωνιστής ·

2.859 ἀλλ’ οὐκ οἰωνοῖσιν ἐρύσατο κῆρα μέλαιναν ,

2.860 ἀλλ’ ἐδάμη ὑπὸ χερσὶ ποδώκεος Αἰακίδαο

2.861 ἐν ποταμῷ , ὅθι περ Τρῶας κεράϊζε καὶ ἄλλους .

2.862 Φόρκυς αὖ Φρύγας ἦγε καὶ Ἀσκάνιος θεοειδὴς

2.863 τῆλ’ ἐξ Ἀσκανίης · μέμασαν δ’ ὑσμῖνι μάχεσθαι .

2.864 Μῄοσιν αὖ Μέσθλης τε καὶ Ἄντιφος ἡγησάσθην

2.865 υἷε Ταλαιμένεος τὼ Γυγαίη τέκε λίμνη ,

2.866 οἳ καὶ Μῄονας ἦγον ὑπὸ Τμώλῳ γεγαῶτας .

2.867 Νάστης αὖ Καρῶν ἡγήσατο βαρβαροφώνων ,

2.868 οἳ Μίλητον ἔχον Φθιρῶν τ’ ὄρος ἀκριτόφυλλον

2.869 Μαιάνδρου τε