Greek Reader — Aristophanes Acharnians (736–758)

Aristophanes Acharnians 736–758

Μεγαρεύς

736 ἐγώνγα καὐτός φαμι . τίς δ’ οὕτως ἄνους

737 ὃς ὑμέ κα πρίαιτο φανερὰν ζαμίαν ;

738 ἀλλ’ ἔστι γάρ μοι Μεγαρικά τις μαχανά ,

739 χοίρως γὰρ ὑμὲ σκευάσας φασῶ φέρειν .

740 περίθεσθε τάσδε τὰς ὁπλὰς τῶν χοιρίων .

741 ὅπως δὲ δοξεῖτ’ εἶμεν ἐξ ἀγαθᾶς ὑός ·

742 ὡς ναὶ τὸν Ἑρμᾶν , αἴπερ ἱξεῖτ’ οἴκαδις

743 ἄπρατα , πειρασεῖσθε τᾶς λιμῶ κακῶς .

744 ἀλλ’ ἀμφίθεσθε καὶ ταδὶ τὰ ῥυγχία ,

745 κἤπειτεν ἐς τὸυ σάκκον ὧδ’ ἐσβαίνετε .

746 ὅπως δὲ γρυλλιξεῖτε καὶ κοΐξετε

747 χἠσεῖτε φωνὰν χοιρίων μυστηρικῶν .

748 ἐγὼν δὲ καρυξῶ Δικαιόπολιν ὅπᾳ ·

749 Δικαιόπολι , ἦ λῇς πρίασθαι χοιρία ;

Δικαιόπολις

750 τί ; ἀνὴρ Μεγαρικός ;

Μεγαρεύς

75 ἀγορασοῦντες ἵκομες .

Δικαιόπολις

751 πῶς ἔχετε ;

Μεγαρεύς

διαπεινᾶμες ἀεὶ ποττὸ πῦρ .

Δικαιόπολις

752 ἀλλ’ ἡδύ τοι νὴ τὸν Δί’ , ἢν αὐλὸς παρῇ .

753 τί δ’ ἄλλο πράττεθ’ οἱ Μεγαρῆς νῦν ;

Μεγαρεύς

οἷα δή .

754 ὅκα μὲν ἐγὼν τηνῶθεν ἐμπορευόμαν ,

755 ἄνδρες πρόβουλοι τοῦτ’ ἔπραττον τᾷ πόλει ,

756 ὅπως τάχιστα καὶ κάκιστ’ ἀπολοίμεθα .

Δικαιόπολις

757 αὐτίκ’ ἄρ’ ἀπαλλάξεσθε πραγμάτων .

Μεγαρεύς

σά μάν ;

Δικαιόπολις

758 τί δ’ ἄλλο Μεγαροῖ ; πῶς ὁ σῖτος ὤνιος ;