Χορός
280 οὗτος αὐτός ἐστιν , οὗτος .
281 βάλλε βάλλε βάλλε βάλλε ,
282 παῖε παῖε τὸν μιαρόν .
283 οὐ βαλεῖς ; οὐ βαλεῖς ;
Δικαιόπολις
284 Ἡράκλεις τουτὶ τί ἐστι ; τὴν χύτραν συντρίψετε .
Χορός
285 σὲ μὲν οὖν καταλεύσομεν ὦ μιαρὰ κεφαλή .
Δικαιόπολις
286 ἀντὶ ποίας αἰτίας ὦχαρνέων γεραίτατοι ;
Χορός
288 τοῦτ’ ἐρωτᾷς ; ἀναίσχυντος εἶ καὶ βδελυρὸς
290 ὦ προδότα τῆς πατρίδος , ὅστις ἡμῶν μόνος
291 σπεισάμενος εἶτα δύνασαι πρὸς ἔμ’ ἀποβλέπειν .
Δικαιόπολις
293 ἀντὶ δ’ ὧν ἐσπεισάμην οὐκ ἴστε . μἀλλα’ ἀκούσατε .
Χορός
295 σοῦ γ’ ἀκούσωμεν ; ἀπολεῖ · κατά σε χώσομεν τοῖς λίθοις .
Δικαιόπολις
296 μηδαμῶς πρὶν ἄν γ’ ἀκούσητ’ · ἀλλ’ ἀνάσχεσθ’ ὦγαθοί .
Χορός
298 οὐκ ἀνασχήσομαι · μηδὲ λέγε μοι σὺ λόγον ·
300 ὡς μεμίσηκά σε Κλέωνος ἔτι μᾶλλον , ὃν ἐγὼ
301 κατατεμῶ ποθ’ ἱππεῦσι καττύματα .
302 σοῦ δ’ ἐγὼ λόγους λέγοντος οὐκ ἀκούσομαι μακρούς ,
303 ὅστις ἐσπείσω Λάκωσιν , ἀλλὰ τιμωρήσομαι .
Δικαιόπολις
305 ὦγαθοὶ τοὺς μὲν Λάκωνας ἐκποδὼν ἐάσατε ,
306 τῶν δ’ ἐμῶν σπονδῶν ἀκούσατ’ , εἰ καλῶς ἐσπεισάμην .
Χορός
307 πῶς δέ γ’ ἂν καλῶς λέγοις ἄν , εἴπερ ἐσπείσω γ’ ἅπαξ
308 οἷσιν οὔτε βωμὸς οὔτε πίστις οὔθ’ ὅρκος μένει ;