Χορός
719 εἶεν , φίλιαι δμωίδες οἴκων ,
720 πότε δὴ στομάτων
721 δείξομεν ἰσχὺν ἐπ’ Ὀρέστῃ ;
722 ὦ πότνια χθὼν καὶ πότνι’ ἀκτὴ
723 χώματος , ἣ νῦν ἐπὶ ναυάρχῳ
724 σώματι κεῖσαι τῷ βασιλείῳ ,
725 νῦν ἐπάκουσον , νῦν ἐπάρηξον ·
726 νῦν γὰρ ἀκμάζει Πειθὼ δολίαν
727 ξυγκαταβῆναι , χθόνιον δ’ Ἑρμῆν
728 καὶ τὸν νύχιον τοῖσδ’ ἐφοδεῦσαι
729 ξιφοδηλήτοισιν ἀγῶσιν .
730 ἔοικεν ἁνὴρ ὁ ξένος τεύχειν κακόν ·
731 τροφὸν δ’ Ὀρέστου τήνδ’ ὁρῶ κεκλαυμένην .
732 ποῖ δὴ πατεῖς , Κίλισσα , δωμάτων πύλας ;
733 λύπη δ’ ἄμισθός ἐστί σοι ξυνέμπορος ;